Helbest Çi Dixwaze?

Xewna her peyvê ye helbestek bedew.

Û daxwaza her helbestê jinek bedew e.

Helbest, baskên zimana ne

Bi zimanê xwe negrin.

Bihêlin bila bifirrin

Ser lêvên jinên bedew.

Çavkanî: Yehya Omerî; Anatomiya Demsalên Zer, Evrensel Basım Yayın, Stembol 2015

XAN

Çend roj e ev bajar

Min bi ser xanekê ve dajo

Her çar deriyê bajêr

Hatiye girtin

Û deriyê pêncan

Xanek li min hatî vekirin

Hê şûna mirc û çakûtan

Li kevirê reş e

Stûnên xanê

Çîroka bedewbûna xwe

Vedibêje bi piste pistê

Ji dem û civata xanê re

Dibe du par

Fikr û ramanên min di xanê de

Li aliyekî xanê

Ujdana min pal dide

Di nav kulîlke sor û zer de

Li aliye din

Xwe bi darda dike mirovatiya min

Di nav talana xanê de

Çavkanî: Ulku Bîngol; Mohra Xuda, weşanên Ronahî, Diyarbakir

axî me

ez ji welatê axê me

                axî me yanê ez

ne niştecîhê liwê

                ne ê liha

                               ne ê dereke din

ne averêkirin min jê xilas dike

ne jî gavavêtinên dirêj ên bi bez

ji welatê axê me

axî me ez

                                               tebax1998stenbol

Çavkanî: Sidîq Gorîcan; Şev û Roj Berbiqa li ser avê me, Stenbol 2012, Weşanxana Nûbihar