dergûș

Gava lașê sar ê Çarçira

Wek gûșîyên sermabirî

Ji sêdar hatin vekirin

Dar ma li cî

Jarên Sablaxê wê birin

Zivistan bû jî wê neșewitandin

Ji wan daran ji wan textan

Çar dergûș çêkirin

Ji wê rojê heta îro

Ew dergûș her digerin

Ji vê malê bo wê malê

Ji vî destî bo wî destî

Qey nabînî bi hezaran Qazî Mihemmed

Li ser goptîkê rawestine

Çek hildidin!

 

Çavkanî: Șêrko Bêkes; ji nav șiîrên min, wêșanên avasta, çapa duwem 2001, stembol. wergera ji soranî: rûken bagdu keskin, bedran hebîb. 

Milkê Evînê

Min milkekî heye li wê dewerê

Serkanîya evln û geș – asoya xwezîyan

Karîna jiyana min

Bi rik jê dizê.

 

Milkekî diherike û tê

Destan e, ji xewnan vehonandî

Milkekî difûre, belê

Gewlaz e, ji axîn û keserê

Ku hê ji „Qalûbela“

Tarix e li enî û

                   nûsîn e, li bextê me.

 

Milkekî navserên li Mûnzir û Agirî

Serejêrî Xaniqînê dibe.

Gava Roj dibișire li Mahabadê

Kerresî digermijin ji kêfa

Li dolik û mesîlên di Efrînê,

Li wan berwarên Çîyayê Kurda.

 

Min milkekî heye ku lê

Her deq-qe

Perçeyek min

         tête kuștin

                   di ber da

Û jê

Her deq-qe perçeyek min

                   ji nû va dizê.

 

 

                                                       

Çavkanî: Rojen Barnas; Milkê Evînê, Wêșanên  NÛDEM, Çapa Yekem: Stockholm 1995, Rûpel: 37