Jin

navê van çi bû

dibêjim pirr ne girîng e bejn û bala wan jî

teqez ji duduyan yek xwedî xizêm bû

û di stranan jî hilnedihatin

porkurên bira û bavên xwe bûn her wext

di berdêlê de jî nedigotin ay

kevaniya mal û mindalan

di her gepa nanê me de

kul û keser

ked û rûmeta wan

bi rûmet in bi xîret in

tu carî ji rêzê derneketin

strana gerdûnî tim gotin

hebûna me ne jinên Kurdan

bar hilgirtin, av kişandin

gulle berdan, xwîn rijandin

li ber zilmê serî netewandin

ala me ye jinên Kurdan

navê jinê şêr e li welatê min

kakilê jiyanê jin e

li vê dinyayê, li wê dinyayê

Xwedê me bide xatirê wan

Çavkanî: BERKEN BEREH; DILÊ MIN PALGEH E JI ISQÊ RE, HEMÛ BERHEM. Gulan 2011, Diyarbakır.