stiran û helbest

piştê her stiranekê

            ku bi zarokan re digirî

            û bi çivikan re difire

piştê her melodoyekê

            ku dil û xeyalê dixe rêwîtiyê

            û berê wan dide dem û diyarên bihûrî

helbest her û hey amade ye

            ku biteqe ji qelbê min ê zelzeleyî

            wek çiyayên hinavpizot

            wek çiyayên gewrîsor û pêtlêdayî

                                                                         berfanbar2011diyarbekîr

Çavkanî: Sidiq Gorîcan; Şev û Roj Berbiqa li ser avê me, Stenbol 2012, Weşanxana Nûbihar,  rûpel: 182