BANG

Banga du yemîn e

Bo mêrên çê

Bo kesên xwedî reşbelek

Bo kesên pirtûk û atlas dinasin re

Bo nêrîna li demê

Vê dema wêran û sotîkirî

Mirovanî ketîye kura risasî

Dernayê

Dilê dayîkan kezeba bavûbiran dişewite

Êdî bi qoqê cebanî wilo

Wilo rewşzanin li rê naçe

Dem bêzar e

Dem neçar e

Bêdengîya rojane

Birîna demê bi derman nabe

Ne ji  giranî û ne ji mêranî ye

Ne ji zanîn û ne ji neqamî ye

Ketina rekiha hesinî

Kefenê rewşenbîrî ye

Dewran keslan e

Dewran zexel e

Wext kurmî û bê mecal e

Sersarî

Mîna bizmarê zingarî

Di seldilkê ronahîyê de çikandî

Hêdî hêdî agirê mirinê dilorîne

Piştî kambaxîyê

Awaza li ser cebanan

Bê azad û bê tewaş e

Çavkanî: Medenî Ferho; BANGA HAWARÊ, weşanên NÛDEM, Çapa yekem: Stockholm 1996