pirs hene, zanim

kulîlkekê dirêjî min bik

te kulîlk nebe, ramûsanekê

ramûsanekê

ji hinarkan

an

ji lêvên qeresî!

girtî  me

li dûr

û hepsê

serdana min î û tu tê

û ramûsanekê nikarim bistênim

heyfa salan hiltênim

deyndara min be

û wer bihêle

hinarkên gewezî!

îlleh, distênim

qîma xwe tênim, carek din…

serdanek din,

-hê bi rê neketî, hê li malê-

bipêçe ramûsana

ji min re, li desmalê

pirs hene, zanim

û zanim Xurs vala ye

te saxtî dikin bi rê de

bindestî di gewrîya te de ta ye

û li min jî bela ye

umrek e, me dayê

evînek e

ma hewcîyî şahida ye?

Çavkanî: Arjen Arî; ramûsan min veşartin li giliyekî, weşanxaneya avesta, Stembol 2000