di zaroktiya min de
kitikên min hebûn
mîna xewnên şevên min ên dirêj
regorengo û dibiriqîn
di xortaniya min de
kevokên min hebûn
bi baskên xwe
azadî ji ber dikirin
di zilamtiya xwe de
destbirakên min hebûn
her yek zinarekî ji pola
gul berhev dikirin ji nava birînan
gundekî min hebû
şên bû, şa bû
ji stêrkên havînê
bêtir azad bû
di payîzeke şilî û malkambax de
teyroka çavnebaran barî
ne gund, ne kitik, ne kevok
qesra xweşiyê jî hilweşiya
Çavkanî: Berken Bereh: Dilê Min Palgeh e Ji Ișqê
re. Wêșanên Lîs, Diyarbekir 2011, Rûpel: 106
