Berdin bila tarî be

                                                li ser qetlîama Roboskî

Komar bixwazin tarî ronî dibin

Li ronahiya komarê ocax dibihurin

Tarî ronî bû

Bîbika çavên qantiran mezin û mezin bûn

Hejmara çavên wan zêde bûn

Çavên mirovan ji hevûdin xatir dixwest

Çav û laş ji hev derbas bûn

Bêje bi heznî ne

Li vir Pablo Picasso bîr bînin – Guernica

Komar bixwazin tarî ronî dibin

Li ronahiya komarê ocax dibihurin

Navê wan qaçaxçî bû

Bi xizanî ji sînoran derbas dibûn

Xizaniyê ji sînora derbas dikirin

Navê wan qaçaxçî bû

Hezar car jî qaçaxçîtî bikirana

Jiyana wan tu car nediguherî

Cara dawî cuda

Ewê jî wan nedît

Çendîn  sal ewil gulle, îro jî bombe

Çendîn sal ewil sî û sê

Îro yek jî ser da

Kirîvo rewşê naweşînin, dibêjin nenivîsin

Kirîvo komar bixwazin tarî ronî dibin

Li ronahiya komarê weşan kor dibin

Kirîvo bixwazin nexwazin li vir Ahmed Arif tê bi bîr

Komar bixwazin tarî ronî dibin

Li ronahiya komarê ocax dibihurin

Ne hewce ye

Berdin bila tarî be…

Çavkanî: Mem Med, Berdin bila tarî be, Wêşanên Nûbihar, Stembol 2012