dadgeh

serbilind im

min serê xwe neçemand

bejna xwe netewand

li ber zaliman

bextewar im

çi hatibe ser sifra min

çi çûbe hinavê min

keda destê min e

an mîrat e

ji malbata min

ne xem e

min ne mal û milk

ne şan û şohret e

ne jî xaniyek bala

koçk bi însanan dagirtî

lê

min fihêt û şerm e

di pêncî û sê saliya xwe de jî

hê bindest

û bê dewlet im

            Semsûr, 2003

BERKEN BEREH, Çemê Baranê (Şi’r). Wêșanên avesta. Stembol 2019, rûpel: 43

Strana Dawiyé

li ser baské pelé payîzî
difirim bi hemû sivikiya xwe
tu tişt ne xema min e
wiha dûrî heyaté

li ser baské péleke spî
difirim bi hemû xeyalén ji bîr bûyî
dibihurim ji asoyén teng
ji hezkirinén erzan
ji éşén sivik

li ser baské bayé ziryané
difirim bi awaz û ji hiş çûyî
dibihurim ji qonaxan yek bi yek
wiha dûrî heyaté
nézikî miriné

fihél dikim hemû kesén ku min dikerixînin.

Çavkanî: Berken Bereh: Dilê Min Palgeh e Ji Ișqê re. Wêșanên Lîs, Diyarbekir 2011, Rûpel: 286

RÛKEN BE*

Rûken be, bila ewr biçin

Karker bi dil bixwebitin, rûken be

Ka ez çawa nû bidim

Dibe ku fîlmek tê bajêr

Daristanek ava dibe li çolan

Hewa diguhere, dibe Behra Sipî, rûken be

Qamîşên min hebûn, çemên min hebûn zehf

Çaqilên min hebûn

Lê tu tiştekî din î, nizam fêm dikî?

Wekî birçî me, ji dayîk suketî me

Bajar hebû ji min suketî

Psîkek min jî tune, nizam fêm dikî?

Hewa diguhere, dibe Behra Sipî, rûken be

Kemal Burkay, 1963.

*Helbest ji berhema Kemal Burkay a bi navê „Azadî û Jiyan“, ku wî wergerandiye kurdî, hatiye bijartin.

Çavkanî: arjen arî; bakûre helbestê antolojiya helbesta bakûr. Çapa Yekemîn Berfanbar 2011. Evrensel Basım Yayın, Rêza Pirtûkên Kurdî. Stembol 2011. Rûpel 59.

çi hacet

xweliya Sîpanê hebit me bi tozê çi hacet

pezkoviyê Xecê hebit me bi kozê çi hacet

ew ên ku her ´eyan dikin me`rîfetê erzan dikin

ku mexfîret bazar bikin me bi sozê çi hacet

jînê xulqê Eyûb divê, sebr û aram û hûr divê

ku nav û şohretê bivê me bi dozê çi hacet

ew dilber wek spîndar in, weke nêrgiz zer û xwar in

ku l´ser golan ah û zar in me bi mozê çi hacet

bêje Temoyî tu bêje, beyt û xezel û gul bêje

ger siya Melayî hebit me bi rozê çi hacet

Çavkanî: Selîm Temo: Keştiya Bayê. Wêșanên Dara, Çapa duyem, Stenbol 2018, Rûpel: 29

GELEK JI TE DÛR IM

Gelek ji te dûr im, rast e, canê

Bi kelecan im dil  tijî coş im,

Bedena min çav li girînê

Di nav bajarekî xamoş im*

Li ser perdeya tarî ya şev

Rewşa te ya rind dinexşînim

Tu car xew nakeve di çav:

Wê diperistim, wê diaxivînim.

1965 – Be´qûba

*Xamoş: bêdeng, tena, sakîn, temirî

Çavkanî: Abdulla Peşêw. Kurmancîkirin: Zülküf Ergün: Şevnameya. Şa’îrekî Têhnî (Hemû Berhem Berg I). Wêșanên Peywend, Stembol 2016, Rûpel: 25

Gazin I

bala xwe didim mirovan bi pirranî kor in

rojeke wan naşibe ya din

tiştên herî bi nirx ji wan re dirav in

ji kevokên teqle-avêj çalaktir in

gelek ji wan şalûs û xweşek in

dûvpişk in, mar in, beq in

ne şerm ne çand ne tore dizanin

wekî ava li binê kayê diherikin

ji kê re gotim; bira

heta jê hat li min tefand çira

ne êl ne xal û ne xwarzî dizanî

malik li Kurdan xera kir bav û bira

Çavkanî: Berken Bereh: Dilê Min Palgeh e Ji Ișqê re. Wêșanên Lîs, Diyarbekir 2011, Rûpel: 134

Gazînên Helbestan

Her ku…

Mûmekê…

Li mezargeha jînê vêdixim

Tovên şahiyê...

Di malzaroka xewnan de diçînim

Û berve kenê cejnê dibezim

Morîkên êşan…

Di stiwê bîranînan de vedibrûsin

Hevok…

Dawa xwe

Ji tîpên jibîrkirinê danaweşînin…

Û gazînên helbestê

Li ber bendava striyan

            Û zeviyên xeman vedijenin.

Çavkanî: Vejîna Kurd. Gulistan Pîr Nabin. Sersera. Çapa yekem 2019. Rûpel: 86