HELBESTVAN IM EZ

di destekî min de misas

di ê din de boça hêlet

li pêşîya min du gayê zerî

cotkar im ez

di destekî min de rayê telbîs

di ê din de pîjê serhildan

li pêşîya min ronahîya rojan

tovê rizî me ez

di destekî min de kef û pêçik

di ê din de qalûncek tûj

li pêşîya min genimê sor

palevan im ez

di destekî min de bilûr

di ê din de berxikek kulek

li pêşiya min kerîyê pêz

şivan im ez

di destekî min de zont

di ê din de kulîngê dudev

li ser milên min ava bûn

mizgefta „Bursê“ û qesra „Topkapi“

û abîdegor*

karker im ez

di destekî min de pênûs

di ê din de wêneyê pepûkan

di mêjiyê min de dilînê bindestan

helbestvan im ez

Çavkanî: BERHÎM PAŞA; GAZIYA MIN, Weşanxaneya Nûbihar, Îlon 1997 Stembol

*Anitkabîr