FIRAT

Firat pêl pêlîne

Bê deng

Gerdun li min xeman

Lê firat zelal

Fikrim li dabor bunê bê zewreq

Lê Firat zexim

Ketim kûrahî a avên Firat

Li xerq bûm

Bûm dilopki herikim diyar, diyar

Bûm xwarin

Bûm weaxwarin

Min xwarin, wexwarin

Geh Dubişk û Mar

Geh Gur û Çeqel

Rê dûr

Rêwingîn lezgîn

Şafir bejinbost

Firat sewzedar û drêj

Dinya cemidî

Firat gerim

Germa havinê min şarand

Kelîyam wek hilm rabûm ezman

Bûm keskesorek heft rengîn

Bê roj çum ava

Bûm ewr

Bûm mêj

Jîyam li jêr û jor

Geh bûm baran barim

Geh Teyrok

Daxwaza min mezin

Firat giranbiha

Cihan li min dijmin

Firat li min bendeman

Ez bende kiri

Lê Firat li bendeka xwe ajawe

Jîyan ji ma rû reşî

Mirin re bûm evîndar

Wek Ferişt’e bask vekim

Bifirim tebeq, tebeq

Mina Melay‘ê Cizirî

Silav bidim Feqî ê Teyran,  Mela ê Batê

Di gel Eli Herirî

Bi bim Mivan

Geh li Ehmedî Xanî

Geh li her du Seidan*

Çavkanî: Hiseyn Eli Başar: DOZA JÎN Helbest, navê weşanxaneyê, sala çapbûnê û cîhê çapbûnê ne belû ye.

* Bediuzzaman, Şex Seid

Jêrenota min: Di pirtûkê/kitabê de çer hatîye nivisandin wer jî min ber girtî ye. Ez naxwezim tu helbestê ji gor xwe serrast bikim.