HÊSRÊ ÇAVÊ MIRÎYA

Wîn, ên mirî çi dikin di binê axê de?

Wîn qe aciz nabin?

Wusa rût û tezî nacemidin?

Mal û welatê we qe nakeve bîra we?

Ên li dinyayê qe difikirin?

Wexta birçî dibin

Kî dizane dilê we dibije çi?

Kî ji we zeveş kî ji we qawîn hesdikir

An we birçîbun jibîr ve kir?

Yeka bedev nêzikî we de derbas bibe

Dengê lingê wî tê we, an! ne?

Rojên we çewa derbas dibe li wir?

Bişev wîn qe ranakevin?

Mirinê we kor kir an kerr kir?

Lêvên we paçîkirinê naxwazin qe?

Gava bêrî dikin, tedayî dikişînin?

Wîn jî mîna me digrîn?

An we girî jibîr ve kirîye?

Çavkanî: Medeni Azad: Min Berfîn Dît, Weşanên Berfîn, Köln

Jêrenota min: Di pirtûkê/kitabê de çer hatîye nivisandin wer jî min ber girtî ye. Ez naxwezim tu helbestê ji gor xwe serrast bikim.